বাখৰ বেঙেনা- এজোপা ৰহস্যময় গছ(Bakhar Bangena- The Mysterious tree.)

স্বৰ্গদেউ চুকাফাই প্ৰতিষ্ঠা কৰা অৰ্থাৎ তেওঁৰ সপোনৰ ৰাজ্যখনেই হৈছে আমাৰ সকলোৰে পৰিচিত ঐতিহাসিক শিৱসাগৰ জিলা। যি আহোমৰ ছশ বছৰীয়া ৰাজত্ব কালৰ নিৰৱ সাক্ষী। ৰংঘৰ, কাৰেংঘৰ,তলাতল ঘৰ, শিৱদৌল,জয়দৌল,বিষ্ণুদৌল, দেৱী দৌল,জয়সাগৰ পুখুৰী, আদিৰ উপৰিও আৰু নানান ধৰণৰ ঐতিহাসিক কীৰ্তিচিহ্নৰে ভৰপূৰ শিৱসাগৰ জিলাতে আছে অন্য এক ঐতিহ্য "বাখৰ-বেঙেনা"গছজোপা। গছজোপা প্ৰায় ৫৮৫ বছৰ পুৰণি আৰু ই বৰাহী আৰু চুতীয়া ৰাজ্যৰ বন্ধুত্বৰ সাক্ষী হৈ আজিও থিয় দি আছে। শিৱসাগৰ জিলাৰ মাজ মজিয়াৰ পৰা প্ৰায় পূৱ প্ৰান্তত বকতা মৌজাৰ জবলাটিং আৰু চুহুংমুং গাঁৱৰ মাজত এই গছজোপা অৱস্থিত।গছজোপাক লৈ বিভিন্নজনে বিভিন্ন মত দিয়ে। এচামে কয় বৰাহী ৰজা মহানানিক্যলৈ এই গছজোপাৰ পুলিটো এজন চীনা সম্ৰাটে উপঢৌকন হিচাপে পঠিয়াই দিছিল আৰু তেওঁ নিজ ৰাজ্যৰ সীমাত পুলিটো ৰূপন কৰিছিল। আন একাংশৰ মতে চুতীয়া ৰজা ৰত্নধ্বজ পালে পুলিটো নিজৰ ৰাজ্যৰ সীমা নিৰ্ধাৰণ কৰাৰ বাবে ৰূপন কৰিছিল আৰু কৈছিল যে "এই গছজোপা থাকে মানেই চুতীয়া ৰাজ্যও থাকিব"। এই গছজোপাৰ পূবে জবলাটিং গাঁও, পশ্চিমে শলঙনি, উত্তৰে চেতিয়া গাঁও আৰু দক্ষিণে দিহিঙ্গীয়া গাঁও অৱস্থিত। গছজোপা প্ৰায় ৩০ ফুট ওখ আৰু তিনিফুট বহল। একেটা গুৰিৰ পৰাই প্ৰায় ২-৩ ফুট বেৰৰ সাতডাল গা-গছ মূল এডালৰ পৰাই ফেৰেঙনি মেলি ওলোৱা দেখা যায়। গছজোপাৰ ডালবোৰ লিকতা আৰু গুটিবোৰ সৰু আৰু বেঙেনা আকাৰৰ।জেঠ আহাৰ মাহত গুটিবোৰ লাগে আৰু পকিলে সেউজীয়া পাতৰ আঁৰত গুটিবোৰ বাখৰৰ দৰেই জিলিকি থাকে।আহোম যুগৰ কাণত পিন্ধা এবিধ অলংকাৰ বাখৰ কটোৱা কেৰুৰ লগত গুটিটোৰ মিল থকাৰ বাবেই গছজোপাৰ নাম বাখৰ বেঙেনা হল বুলিও কোৱা হয়। গছজোপাৰ পাতবোৰ আন গছৰ দৰেই খৰালি কালত সৰি লঠঙা হৈ যায়। গছজোপাক লৈ বহুলোকে বহু পৰীক্ষা চলাই আহিছে যদিও গছজোপাৰ বংশ বৃদ্ধিৰ বাবে কোনো পৰীক্ষাই আজিলৈকে সক্ষম হৈ উঠা নাই।বৈজ্ঞানিক সকলে গছজোপাক "ৰুবিয়েচিক"(Rubiaceac)প্ৰজাতিৰ বুলি চিহ্নিত কৰিছে। বহুলোকে কব খোজে যে, চীন দেশৰ হুৱাংহু উপত্যকাত হোৱা এবিধ গছৰ সৈতে এই গছজোপাৰ অলপ মিল আছে। গছজোপাৰ বৈজ্ঞানিক নাম হ'ল "Catunaregum Uliginosa"। গছজোপা গুল্মজাতীয় যদিও অসমৰ জলবায়ুৰ প্ৰভাৱত ইয়াৰ পৰিৱৰ্তন হোৱা দেখা গৈছে। লক্ষ্ণৌৰ বীৰবল ছাহানী ইনষ্টিটিউট অৱ পেলিঅ'বটানিয়ে ২০১৪ চনত চলোৱা এক পৰীক্ষাত গছজোপাৰ বয়স প্ৰকাশ পাইছিল। ১৯৯৬ চনত গছজোপাক বিশ্ব পৰ্য্যটন স্থলী ৰূপে গঢ়ি তুলিবলৈ এখন কমিটি গঠন কৰি দিয়া হৈছিল আৰু গছজোপা বৰ্তমান তেওঁলোকেই চোৱা চিতা কৰে।বৰ্তমানসময়ত বাখৰ বেঙেনাৰ নামত ডাক টিকটো প্ৰকাশিত হৈছে। হয়তো গছজোপাই আৰু বহু যুগ ধৰি এনেদৰেই ঐতিহ্য বহন কৰি গৈ থাকিব।

5 thoughts on “বাখৰ বেঙেনা- এজোপা ৰহস্যময় গছ(Bakhar Bangena- The Mysterious tree.)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s